大家都係政客,点解差咁远?

作者: 时间:2020-02-15申博周边178人已围观

大家都係政客,点解差咁远?
「Andrew Cheng」由laihiuyeung ryanne – originally posted to Flickr as 退党后的郑家富。
基于CC BY 2.0经由Wikimedia Commons授权。

近日,社会对政界既舆论相信都离唔开二个人。

一,係梁国雄先生﹙下称长毛﹚;

二,係郑家富先生。

老实讲,对于以上两个人,笔者本来就对佢地唔认识都唔了解,甚至连佢地係咩区既议员都唔知,但由于近日社会各界都纷纷讨论佢两个,笔者都出于好奇咁Click左入唔同既网站睇下佢地做左啲乜。

先係长毛,一直以黎新闻对佢既报导都係负面,甚幺滋事份子,甚幺被驱赶离场,甚幺无文化讲粗口等等,而对于今次财政预算案,笔者只知佢係「拉布」发起人之一,其他都唔係好清楚。笔者一打开电脑就直接上Youtube睇佢既道歉,唔係讲笑,我係真係有感动既!点解?「全民退休保障」真係好重要,尢其对于面对紧人口老化问题严重,人均年龄持续上升,但通胀问题更严重既香港黎讲更加係不可或缺!

当然,笔者相信应该有唔少人会话佢既道歉係骚,但我就觉得佢其实几真,老人家其实有几多个真係会留意时事?通识都教过啦,多数都係中产同有钱人会对政治有高参与度,但唔包括老人,唔係因为穷人同老人对政治冷感,係因为穷人为谋生计连休息既时间都无,根本就无时间关心政治?而老人佢地都奋斗左一生,都想抖下休息下,不问世事又何乐而不为?长毛既道歉有几多老人家睇到笔者真係唔知,但我相信作为未来既长者,我真係感受到佢为社会争取紧既係真福利,非为一已利益而係一视同仁既「全民退休保障」,佢应该有排都未到退休年龄,即使佢退休都唔洗担心唔够钱洗,但都咁为退休人士着想,难怪佢成日搞事都可以以高票数连任。

佢平时搞事又点?捣乱又点?的确过份同频密地滋事係几黑人憎同好浪费公帑,但如果佢真係为全香港市民争取,即使佢争取唔到,即使佢成为犯众憎,至少赚得市民对社会时事既关注。

对于郑家富先生,我真係充份感受到咩係「各人自扫门前雪,休管他人瓦上霜」係点解。其实「自由行」真係已经严重影响港人生活,先不说甚幺上水变为水货城,只讲大量自由行拉喼购物,同埋佢地既行为同不可一世有钱大哂既态度,就己经令港人十分烦厌。笔者唔清楚郑家富先生一直对「自由行」既立场係咩,但对于佢讲既「如果依家自由行充斥既香港社会冲入黎我地海怡,我就不能接受」,笔者就真係觉得好不合理。

「如果依家自由行充斥既香港社会冲入黎我地海怡,我就不能接受」係咪即係只要佢地唔入海怡,你就唔会理香港社会到底係点?係咪即係海怡係有钱佬聚居地,所以应该係「净土」?如果係咁,只显得你係个自私自利既人,笔者都几质疑你当初当选区议员有无为区内大众尽力做过啲乜?如果係咁,强国土豪入侵海怡其实好理所当然,因为佢地分分钟可以连你个单位都买起埋!其实海怡都係香港既一部分,点解你要isolate左佢呢?

而且,郑先生你既一句说话,令到大部份住海怡既人都被形容到都係独善其身,不问世事既人,我真係觉得对佢地有少少唔公平啰!

再者,请原谅笔者孤陋寡闻,对于郑家富先生当年点做野真係无乜点听过,除左当年因为同党派立场不一而辞职,假设佢係以一般打工仔心态–正正常常开会等散会,唔似长毛既行事作风咁激动,所以佢一直都唔係犯众憎,甚至曾经得到不少市民支持。

但如果话长毛行动作风令人反感,但佢係真心为市民大众而发声;而郑家富先生虽然行为作风手法比温和,但原来只係杀到埋身先有反应,自私只顾自己利益,係因为自身受到影响先发声,咁呢两个政客,边个先值得大家支持,真係「司马昭之心,路人皆知也。」当然,笔者都真係几认同:如果长毛既行为更理性更和平,相信对社会,对政治都会更好。

其实大家都係政客,点解可以差咁远?